影片
更多
2023-02-17
298 瀏覽
串酒里琴晚去咗尖沙咀山林道嘅一間隱世串燒餐廳食野， 講起隱世真係好鬼隱蔽，位置喺同發押左邊條小巷入面，去到門口仲見到香港人必撐嘅粗口手工啤酒個易拉架。入面真係好細，門口雖然無一級，但寬度啱啱好夠我部輪椅入去，店員都好好招呼，幫我搵一個最方便嘅座位比我坐！👍👍👍我哋一坐低就睇到menu都幾多野食叫，應該有接近100款野食叫，我哋叫咗6樣野食，全部都係即叫即整，每樣野食大約要等5-10分鐘先上枱！1.鹽燒厚切牛舌$68（9/10）一串有4大舊厚切牛舌，燒得啱啱好，完全唔硬又有肉汁，調味方面唔會太重，搶唔到濃濃嘅牛味，鍾意食牛舌嘅你一定要試下啦！😋😋😋❤❤❤2.自家惹味炸雞$49（8/10）非常酥脆，肉質嫩滑，帶少少辣！👍👍👍3.香草燒紐西蘭羊架（2件）$98（9/10）我覺得呢個羊架係要必食！羊架燒到啱啱好， 燒到入面肉質小小紅，羊味濃又唔羶，出面又有勁多香草，如果仲係覺得有羊羶味嘅話不妨試下滴幾滴檸檬汁，佢哋好細心旁邊已放咗一件檸檬喺度！❤❤😋4.椒鹽魷魚圈$59（8/10）呢個魷魚圈份量算多，有9舊，炸得非常酥脆， 魷魚唔韌，好彈牙，都係要必食！😋😋😋5.車打芝士燒日本廣島蠔（3件）$
琴晚去咗尖沙咀山林道嘅一間隱世串燒餐廳食野， 講起隱世真係好鬼隱蔽，位置喺同發押左邊條小巷入面，去到門口仲見到香港人必撐嘅粗口手工啤酒個易拉架。入面真係好細，門口雖然無一級，但寬度啱啱好夠我部輪椅入去，店員都好好招呼，幫我搵一個最方便嘅座位比我坐！👍👍👍
我哋一坐低就睇到menu都幾多野食叫，應該有接近100款野食叫，我哋叫咗6樣野食，全部都係即叫即整，每樣野食大約要等5-10分鐘先上枱！
1.鹽燒厚切牛舌$68（9/10）
一串有4大舊厚切牛舌，燒得啱啱好，完全唔硬又有肉汁，調味方面唔會太重，搶唔到濃濃嘅牛味，鍾意食牛舌嘅你一定要試下啦！😋😋😋❤❤❤
2.自家惹味炸雞$49（8/10）
非常酥脆，肉質嫩滑，帶少少辣！👍👍👍
3.香草燒紐西蘭羊架（2件）$98（9/10）
我覺得呢個羊架係要必食！羊架燒到啱啱好， 燒到入面肉質小小紅，羊味濃又唔羶，出面又有勁多香草，如果仲係覺得有羊羶味嘅話不妨試下滴幾滴檸檬汁，佢哋好細心旁邊已放咗一件檸檬喺度！❤❤😋
4.椒鹽魷魚圈$59（8/10）
呢個魷魚圈份量算多，有9舊，炸得非常酥脆， 魷魚唔韌，好彈牙，都係要必食！😋😋😋
5.車打芝士燒日本廣島蠔（3件）$88（9/10）
呢個日本廣島蠔好鮮甜，又大隻，蠔上面鋪上咗勁多芝士，廣島蠔拉絲都係第一次見，證明隻蠔真係堅爆多芝士，好掂！好好味！
6.泰式辣汁燒扇貝（3件）$88（9/10）
呢個扇貝鮮甜多汁，其他地方燒扇貝都係燒到好乾好硬，呢度就唔同啦！再配上勁多泰式辣醬令到扇貝有少少辣，唔錯唔錯！👍👍👍
個人口味總評分：8.66/10
地址：尖沙咀山林道6號B舖 (漢國中心對面)
#串酒里 #串燒 #香港美食 #尖沙咀美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
張貼
