漢城美食

營業中

休息中

今日見返有成2年無見的朋友，於左係著名婚紗街附近搵野食。大家都異口同聲話好耐無食過韓國菜，見到漢城美食就入去試試。一見面就派利是。即時點個韓國醬油蟹慶一慶新一年的來臨。餐廳由韓國人經營，已經有20年歷史。經歷過疫情都無倒閉，證明好食。它們主打韓國菜。餐廳地方寬闊，檯及椅都用木。醬油蟹+紫菜飯團 $360/2pcs我成世女真係第一次食醬油蟹，估唔到口感幾得意，食落生的蟹肉唔會好腥同過重海水味，食落蟹肉非常鮮甜。口感似食緊龍蝦剌身肉，鮮嫩彈牙。醬油好香，食落帶微甜，超爆多膏。最緊要食完無肚痛，證明夠新鮮衛生。飯糰有紫菜、紫菜帶鹹味再加上醬油蟹的甜，味道好match。年糕人蔘雞湯 $119今日天氣凍凍地，大家都共同記要點湯飲。所以我們點了進補的人蔘雞湯，剛才紫菜飯唔夠飽，現在有年糕食，可以飽肚暖胃返。以石鍋上可以保持湯的溫度，非常貼心。 生米酒750ml $105本人好少飲酒，但來得韓國餐廳都試下韓國米酒。入口帶微甜，天氣冷冷的飲住米酒食韓式晚餐、感覺就彷彿置身韓國一樣。