堅記農家菜館

營業中

休息中

燒鵝皇半隻大隻多肉，燒得都幾香，肉質有點煙韌。家鄉焗魚腸廣東順德菜，依家賣少見少，熱焫焫焗起，足料但略嫌魚腸有點腥。椒鹽脆香豆腐炸得好酥脆，外脆內嫩，小朋友至愛。椒鹽九肚魚九肚魚好新鮮，魚滑多肉無腥味，炸得脆卜卜好惹味。豆豉鯪魚油麥菜都好大碟，食落鹹味剛好，每次想食油麥菜，都係諗起配豆豉鯪魚。菜遠炒牛肉炒得有鍋氣，菜心好大棵，可惜牛肉炒過火了有啲韌。黃金炸大餅幾特別，第一次見，原來係芝麻麵包配煉奶，類似食炸饅頭點煉奶，麵包好鬆軟，都幾好食。呢間農家菜館既地點係有點偏僻，但係搭巴士都去到既。佢都有好多款小菜選擇，價錢合理，岩一家大細攜幼偕老一齊黎食飯既。阿姐們都有禮貌，都有介紹啲菜比我地～整體黎講呢到既食物同環境還不錯。