影片
更多
2024-03-11
1110 瀏覽
｛食盡長沙灣之港式 — 葉公館｝————————————————最近俾朋友問，點解我地咁小介紹西餐俾大家😂，睇一睇發現其實都真係，因為#hkfoodu 比較鍾意食中菜或港式野，一係就東南亞😂而今次都唔例外😬 （p.s.咁熱炒小菜真係好好食呀嘛 🤣) 🔸 菠蘿咕嚕肉 （孖寶C) 菠蘿咕嚕肉一向都係我鍾情既菜式😆， 今次呢碟嘅咕嚕肉味道夠酸甜， 唔會太多肥膏，而佢嘅外層亦都脆口，唔錯！ 🔸 豉椒蒸大蜆 （孖寶C) 平時喺屋企想食蜆，要洗得乾淨真係好麻煩😅 而聽講呢度都出名海鮮，所以嚟到梗係要食佢嘅豉椒蒸大蜆啦！ 一上碟見到有大量蜆即刻心心眼， 蜆肉好新鮮唔會有壞蜆， 而佢嘅醬汁有好輕微嘅辣， 令到佢更加惹味🥰份量抵食食極都有！ 🔸 菜心炒鮮魷 有時嗌菜但係又唔想齋食菜好似冇咁抵，就會想要配一啲其他嘢（有冇人都係咁🤣） 估唔到呢啲菜心炒鮮魷嚟到，啲魷仲多過菜心🤪， 少少鹹味，健康又美味😆 Overall comment: 長沙灣嘅餐廳一般都唔算係貴價路線， 呢種街坊茶樓食小菜， 夠水準得嚟性價比又高，值得一試， 最後仲有一碗陳皮紅豆沙送嫁！
————————————————
最近俾朋友問，點解我地咁小介紹西餐俾大家😂，睇一睇發現其實都真係，因為#hkfoodu 比較鍾意食中菜或港式野，一係就東南亞😂而今次都唔例外😬 （p.s.咁熱炒小菜真係好好食呀嘛 🤣)
🔸 菠蘿咕嚕肉 （孖寶C)
菠蘿咕嚕肉一向都係我鍾情既菜式😆， 今次呢碟嘅咕嚕肉味道夠酸甜， 唔會太多肥膏，而佢嘅外層亦都脆口，唔錯！
🔸 豉椒蒸大蜆 （孖寶C)
平時喺屋企想食蜆，要洗得乾淨真係好麻煩😅 而聽講呢度都出名海鮮，所以嚟到梗係要食佢嘅豉椒蒸大蜆啦！ 一上碟見到有大量蜆即刻心心眼， 蜆肉好新鮮唔會有壞蜆， 而佢嘅醬汁有好輕微嘅辣， 令到佢更加惹味🥰份量抵食食極都有！
🔸 菜心炒鮮魷
有時嗌菜但係又唔想齋食菜好似冇咁抵，就會想要配一啲其他嘢（有冇人都係咁🤣） 估唔到呢啲菜心炒鮮魷嚟到，啲魷仲多過菜心🤪， 少少鹹味，健康又美味😆
Overall comment:
長沙灣嘅餐廳一般都唔算係貴價路線， 呢種街坊茶樓食小菜， 夠水準得嚟性價比又高，值得一試， 最後仲有一碗陳皮紅豆沙送嫁！
張貼
