熱沙咖啡 (已搬遷) 新店位置

不知不覺已經住咗喺馬灣五年，雖然島仔細細，但五臟俱全，中西日韓意餐廳都有，但最估唔到係呢度連土耳其餐廳都有。之前每次經過Coffee on the Sand都好想入去試，但總係搵唔到機會，而家工人姐姐黎咗，我終於可以放低細佬，同家姐落街食好野😊我地叫咗特色園池素雞包，呢個土耳其有少少似山東嘅肉夾饃，但味道就充滿土耳其風味。雖然係素雞，但經過調味同烘烤，食落去非常滋味，晴晴完全食唔出係素雞，仲不停同我講雞肉好好味🤤素雞包配上新鮮沙律菜，口味清新😋除咗食物，呢度最有特色就係土耳其嘅熱沙咖啡，把咖啡粉、水、糖放進小小的土耳其咖啡壺內，再放上熱沙煮，咖啡味道非常香濃，配上土耳其糖果，別有一番風味😎呢度仲有其他馬灣街坊寄賣的各式產品，大家食完仲可以睇下有咩可以買返屋企😌