影片
更多
2024-05-15
86 瀏覽
安平燒肉係牛大人火鍋嘅姊妹店，質素都有保證啲！今次👧🏻👦🏻就揀咗最貴嘅澳洲M5和牛套餐(@$418，19:30前離座：@$358），就算過咗優惠時段，餐廳都係全場爆滿！公家位置就可以自取沙律、蔬菜、醬料同樽裝飲品。當中醬料櫃有超多款醬料，例如鹽蒜麻油醬、黃金醬、薑味可樂醬、香水檸檬汁等等，超多出面未見過既醬，不論配肉類還是海鮮都非常適合！🌟牛肉類剛好遇上安平夢王誕（8/5-21/5)，只要叫M5和牛餐，每2人就可送一塊A5和牛肉眼😍，燒起嚟好搶火，見到雪花油脂嘅分布就知道有幾充滿油香同埋肉質嫩滑！再點埋夢王蛋，簡直係完美！另外喺安平夢王誕仲有月見牛、起司夢王蛋、生雞蛋/溫泉蛋可以食！M5和牛餐仲包咗一份牛舌芯（加點就要加錢$），夠曬腍身同少量爽口，同日本食既牛舌芯質素一樣咁高。另外👧🏻都幾鐘意M5和牛、安格斯牛小排、SRF極黑牛餐嘅三角牛扁肉，肉香🥩同油脂兼備。另外仲有秘製牛肋條、牛仔骨、SRF極黑牛、薄切牛舌都係幾好嘅選擇！🌟海鮮呢個套餐包咗烤帆立貝、虎蝦、鹽蒜燒生蠔、屏東燒魚腹。各款都非常鮮甜有夠大隻。👧🏻就推介虎蝦同帆立貝，虎蝦大大隻又鮮甜，夠晒鮮甜爽口。另外呢個餐仲有烤魚乾，略
公家位置就可以自取沙律、蔬菜、醬料同樽裝飲品。當中醬料櫃有超多款醬料，例如鹽蒜麻油醬、黃金醬、薑味可樂醬、香水檸檬汁等等，超多出面未見過既醬，不論配肉類還是海鮮都非常適合！
🌟牛肉類
剛好遇上安平夢王誕（8/5-21/5)，只要叫M5和牛餐，每2人就可送一塊A5和牛肉眼😍，燒起嚟好搶火，見到雪花油脂嘅分布就知道有幾充滿油香同埋肉質嫩滑！再點埋夢王蛋，簡直係完美！另外喺安平夢王誕仲有月見牛、起司夢王蛋、生雞蛋/溫泉蛋可以食！
M5和牛餐仲包咗一份牛舌芯（加點就要加錢$），夠曬腍身同少量爽口，同日本食既牛舌芯質素一樣咁高。另外👧🏻都幾鐘意M5和牛、安格斯牛小排、SRF極黑牛餐嘅三角牛扁肉，肉香🥩同油脂兼備。另外仲有秘製牛肋條、牛仔骨、SRF極黑牛、薄切牛舌都係幾好嘅選擇！
🌟海鮮
呢個套餐包咗烤帆立貝、虎蝦、鹽蒜燒生蠔、屏東燒魚腹。各款都非常鮮甜有夠大隻。👧🏻就推介虎蝦同帆立貝，虎蝦大大隻又鮮甜，夠晒鮮甜爽口。另外呢個餐仲有烤魚乾，略燒至金黃，再點埋蛋黃醬👍🏻。
🌟雞肉/豬肉
👦🏻👧🏻就有試咗原住民鹽燒肉、九層塔三杯雞同雞腿肉，豬腩肉既肉香濃郁，果然用最簡單嘅食材-鹽 醃食物就最好不過。另外九層塔三杯雞醃得幾入味，👦🏻👧🏻都鐘意！
🌟台式小食
餐廳又提供唔少夜市小吃，👦🏻👧🏻就叫咗鹽酥雞，質素好似仲比出面食嘅更好！另外佢哋都有唔少好吸引嘅小食，例如炸蚵卷、炸蝦卷、櫻花蝦乾拌手工麵、滷水涼拌鴨舌，如果個胃有多啲容量就可以食到佢哋啦😭！
🌟飲品
飲品可以喺出面飲品櫃度攞/App到點特別飲品，今次👦🏻👧🏻就試齊百香果綠茶、冬瓜茶同紅火冰茶，大部份都可以揀少甜/少冰/走冰👍🏻，紅火龍果冰茶出面就比較少見，入口啖啖火龍果肉，果香同茶香兼備！
🌟甜品
每位客人可選台式芋圓仙草凍/Haagen Dazs雪糕🍦，不過👦🏻👧🏻就太飽冇食到！
張貼
