定食8 (已結業)

👫係屯門返工有好多嘢食選擇，👱🏻‍♀️諗唔到食咩就會揀定食8，唔算太貴又食到好飽好滿足，就同左同事嚟食啦❤️ 之前都有介紹過呢間嘅鰻魚飯，都幾高質，今次嚟試下新嘢先😍#黃金魚配炸蝦烏冬 <$58>同樣有三款前菜，食落普普通通咁，螺肉食落有啲腥😫 成個餐有兩條炸魚、兩條蟹柳、兩隻炸過嘅溏心蛋、秋葵，南瓜，同一條大蝦，同埋👱🏻‍♀️以為呢個餐淨係得烏冬，點知仲有飯！炸物好香脆，炸魚係成條炸，啖啖魚肉大滿足，其他炸物都唔會炸到好乾，食到都幾Juicy～但烏冬嘅味比較淡，而椰汁奶凍因爲👱🏻‍♀️戒甜嘅原因，所以無食到😂 整體嚟講，食完個烏冬同炸物都已經勁飽，可以唔駛食飯！但唔夠飽嘅朋友可以自己加飯同味噌湯，亦有椰菜絲同茶水自助無限供應，所以真係十級抵食！🗣：逢星期一至五15:00-17:00即可有正價套餐7折價惠（公眾假期除外）；另外，落單後15分鐘內會送餐，如遲過15分鐘，會送一張免費定食餐券，而用餐時間限時50分鐘～碗具可以叫店員提供，餐具就係每張檯嘅櫃筒🤓*10% Service Charge*