燒肉男

營業中

休息中

呢啲咁靚嘅croffle，居然係嚟自一間燒肉放題。將軍澳中心嘅“燒肉男”，由於近屋企，我間中都有食。最近發現佢有中午set，唔使食咁多肉，每人158加一，就去試吓。一個中午set，有六款肉，可以揀豬牛雞海鮮唔同組合。另包一個飯、前菜、湯同任食甜品飲品。燒肉同海鮮都係正常水平，唔特別驚喜。反而係個croffle，專人即場整，有幾隻味揀，仲可以加雪糕球。外面食一個croffle都三幾十，我就食咗4隻，真係幾好食😂。真係妹仔大過主人婆，情況就好似隔離大將嘅waffle咁。