影片
更多
2010-11-27
51 瀏覽
今日(27-11-2010 Sat)同男友返北角,探埋佢家人後就o黎呢間佢之前都跟蔡瀾推介o既呢間食o野喇,呢間o野真係隱蔽到住附近o既佢都唔知.我o地大約2:00pm o黎到,o岩o岩full晒,等o左一陣出面張枱埋單,我o地就唔等入面o既位同唔理大風而坐出面喇.睇o左陣餐牌,老闆出o黎話畀我o地知有套餐.我o地揀o左$38.00o既自選午餐(A+B+C),要:A. 煙鴨胸有三片鴨胸,淋o左啲辣汁,今次死啦.食落,又唔太辣喎,又有啲芝麻香,亦可以.味道: 4分B. 青藏羊肉拉麵有好多芫茜,一片片o既羊肉唔太厚,食落冇乜羶味,但仍有羊肉味,好味.拉麵麵質冇乜問題,但唔知係咪之前食o左鴨胸,覺得呢碗麵味道清淡啲.而湯都幾有牛肉味.味道: 5分C. 加$2.00要紅棗桂圓茶紅棗桂圓味平均,大家都唔搶大家o既味道,OK.味道: 3分2. 男友要$42.00o既青藏牛胸腩麵,但老闆話最後o個碗o岩o岩被人要o左.咁就轉要$29.00o既青藏牛肉刀削麵呢個同樣有好多芫茜,牛肉大大片,湯底一樣係牛骨湯,男友好欣賞.但牛肉韌,麻麻;而刀削麵就因為幾厚,口感又麻麻,所以佢食唔夠半碗就嗌飽,呢個遜色o左
我o地大約2:00pm o黎到,o岩o岩full晒,等o左一陣出面張枱埋單,我o地就唔等入面o既位同唔理大風而坐出面喇.
睇o左陣餐牌,老闆出o黎話畀我o地知有套餐.我o地揀o左$38.00o既自選午餐(A+B+C),要:
A. 煙鴨胸
有三片鴨胸,淋o左啲辣汁,今次死啦.食落,又唔太辣喎,又有啲芝麻香,亦可以.
味道: 4分
B. 青藏羊肉拉麵
有好多芫茜,一片片o既羊肉唔太厚,食落冇乜羶味,但仍有羊肉味,好味.拉麵麵質冇乜問題,但唔知係咪之前食o左鴨胸,覺得呢碗麵味道清淡啲.而湯都幾有牛肉味.
味道: 5分
C. 加$2.00要紅棗桂圓茶
紅棗桂圓味平均,大家都唔搶大家o既味道,OK.
味道: 3分
2. 男友要$42.00o既青藏牛胸腩麵,但老闆話最後o個碗o岩o岩被人要o左.咁就轉要$29.00o既青藏牛肉刀削麵
呢個同樣有好多芫茜,牛肉大大片,湯底一樣係牛骨湯,男友好欣賞.但牛肉韌,麻麻;而刀削麵就因為幾厚,口感又麻麻,所以佢食唔夠半碗就嗌飽,呢個遜色o左啲.
味道: 3分
3. 叫多個$29.00o既孜炸鎚仔雞翼
男友睇menu時被佢吸引,o黎到,好大陣羶味,o係,面上o既羶味粉作怪,死啦,呢個會唔會好辣?冇辦法,都叫o左咯.食落.好彩唔辣o架,皮都算脆,內裡o既雞肉仍然有汁同滑,都可以o既.
味道: 3.8分
服務:
好好,一男一女o既服務都唔錯.就算坐出面,佢o地都唔會冷落客人.
環境:
我o地坐出面,今日天氣清涼,而好彩店外行人路都好闊同乾淨.
張貼
