夏雪 (已結業)

🍠紫薯窩夫 $88窩夫外脆內軟，內有紫薯蓉，食落微甜幾天然嘅味道。雖然可以點糖漿食，但我覺得唔需要落已足夠好味。配埋豆腐雪糕，令整體好清新，唯一可惜哈密瓜唔太甜。🍵抹茶特盛 $108有綠茶心太軟、黑糖、銅鑼燒、綠茶啫哩、白玉、紅豆同蕨餅，除左賣相連隻碟都好有日本風。雪糕微甜，都唔錯。心太軟綠茶味好濃郁，綠茶控應該幾鐘意，將白玉沾上流出黎既綠茶漿就最夾。蕨餅食落似軟糖，而銅鑼燒好乾，比較失色。🍧雜莓沙冰 $58大大杯，雪糕係車厘子味，沙冰則由幾種雜莓做成，帶莓香味，酸酸甜甜。☕️檸檬草薑茶 $40飲落薑味唔太重，而檸檬草有消除疲勞同提神作用，岩哂我。