咖啡弄 (已結業)

約左朋友出去尖沙咀行街,行下行下有d攰,就搵個地方坐下. 其實都唔係好肚餓,於是就去左 咖啡弄 度食野,食個三文治飲杯野吹下水咁.我就叫左個"玉米里肌起士可頌",加杯"冰抹茶歐蕾" . 個麵包好好食,口感似係新鮮出爐既牛角包咁,食落去有陣牛油既味道,但又唔滯,反而覺得好鬆軟. 醬汁係類似千島醬咁樣,有少少辣,加埋塊火腿,食落去層次好豐富,但又唔算太油膩,因為仲有新鮮既切片蕃茄,配埋d 粟米粒同火箭菜,一濃一淡中和返就更加正"冰抹茶歐蕾"飲落去有陣陣既抹茶味,唔太濃又唔太淡,味道啱啱好,而且飲落去喉嚨好舒服