鼎泰豐

營業中

休息中

過開新城市廣場行街shopping，行到八點幾又夠鐘醫肚要諗食咩，本來想食Shake Shack，但今日又好多人，行咗一圈都無檯，跟住再行前少少，見鼎泰豐無咩人就去拎飛，但竟然要等成十張，出奇地前面等飛啲人走曬，一分鐘就嗌咗十張檯，就係咁就順利入咗去。坐低之後即刻叫嘢食，唔駛講嚟得就一定要叫份小籠包啦，湯汁熱辣辣，size啱啱好可以一啖食曬，好滋味，舌頭每個部分都嘗到湯汁精華。另外，蝦餅同排骨都炸得十分之香，排骨揼到鬆曬，好好食。仲有份蝦仁蛋炒飯，等咗半個鐘先到，鼎泰豐啲炒飯成日都好似炒到濕濕哋咁，但每次食落都感覺爽爽哋，但今次有啲離譜，蛋炒飯送埋蛋殼，我唔expect喺鼎泰豐都會食到蛋殼囉，搞到今次體驗始終差啲啲。