鍋処雪舟 (已結業)

座落於開平道一號，整座大廈都以食肆聞名，加上寬闊的空間，進餐是極好的享受。一入門就見到好多日式嘅風格，而且強調這兒的牛肉是日本飛彈牛🇯🇵令我有去咗日本旅行的感覺。😛我和老公叫了兩個套餐，兩個都好滿意。北海丼定食有大蝦、海膽、三文魚子、帶子、吞拿魚及我唔識嘅魚😅最能夠比較到佢嘅質素嘅係海膽，甜到不得了，完全完全沒有腥味，係一種回味回咁嘅感覺！海鮮都真係好新鮮。飯係好飽滿有嚼勁的珍珠米，甜度酸度都適中，提供大量嘅子薑和前菜，連蒸蛋裏面都有好大粒嘅鮮蝦。正！迷你和牛壽喜燒成個鍋裏面係令人滿足嘅A3和牛味，京蔥、豆腐、金菇菜、其他菜，真係好入味，4大片A3和牛實在令人好回味，令我想起果次去日本🇯🇵吃到嘅飛彈牛😋😋😋😋識食就知道係咩😉真沒想到這樣日式風格的高級食肆竟然仲有一杯令人滿意嘅靚咖啡☕️👏👏👏👏👏臨走時發現，仲有包廂房，可以好放心咁食。其實就算唔係包廂房，佢嘅密度都好低，成間餐廳咁大都只係大約20多個位。好想試吓晚上來吃，真係覺得好值得。