影片
更多
2022-08-15
2369 瀏覽
約咗成個月嘅飯局終於兌現，今次完全冇參與揀餐廳，淨係知道食鐵板燒。咁啱撞正喺隔離會展擺完Booth，過返黎食鐵板燒勁方便，就喺消防局對住入去海景萬麗酒店3樓。門口入去長廊有幾間房，再直入係大廳。1.鱈魚乾未齊人緊係黎個佐酒小吃，初頭以為好似平時食日本嘢果d 河豚乾咁煙靭，原來係薄薄脆口嘅，咁仲好呀費事食飽個肚。正式食第一道菜前，先黎個炸蒜片，朋友食過話好正，一句話「要多d」果時我都冇為意，點知師傅倒完一個大湯碗再接住下一個大湯碗！係一堆蒜片山，我心諗，食完個口應該好臭😂不過個蒜片好鬼正，好似食緊栗米片咁脆卜卜，我鐘意呀❤️2.車海老海老好大隻又新鮮，燒完師傅起殼切埋食得！3.帆立貝燒嘅時間恰到好處，唔會為嫰口而燒唔熟，亦完全冇燒過龍。4.澳洲和牛舌牛舌爽口，但就冇特別大驚喜5.鴨肝鴨肝好香，可能本身我好鐘意食鵝肝鴨肝😂不過提提大家唔洗食埋新鮮煎出黎果塊松菱方包，係用黎吸油嘅，而當時我肚餓就食咗一半，隔離位個朋友食哂成塊😂唔好嘥咗個位喇6. 鰻魚鰻魚拎上枱已經見到好厚肉，大慨第2道菜已經開始燒，不過由於放喺側邊慢燒所以排到第5,6道菜先輪到佢，不過真心值得等待，第一次食燒鰻魚個皮好似焦糖燉
咁啱撞正喺隔離會展擺完Booth，過返黎食鐵板燒勁方便，就喺消防局對住入去海景萬麗酒店3樓。
門口入去長廊有幾間房，再直入係大廳。
1.鱈魚乾
未齊人緊係黎個佐酒小吃，初頭以為好似平時食日本嘢果d 河豚乾咁煙靭，原來係薄薄脆口嘅，咁仲好呀費事食飽個肚。
正式食第一道菜前，先黎個炸蒜片，朋友食過話好正，一句話「要多d」果時我都冇為意，點知師傅倒完一個大湯碗再接住下一個大湯碗！係一堆蒜片山，我心諗，食完個口應該好臭😂
不過個蒜片好鬼正，好似食緊栗米片咁脆卜卜，我鐘意呀❤️
2.車海老
海老好大隻又新鮮，燒完師傅起殼切埋食得！
3.帆立貝
燒嘅時間恰到好處，唔會為嫰口而燒唔熟，亦完全冇燒過龍。
4.澳洲和牛舌
牛舌爽口，但就冇特別大驚喜
5.鴨肝
鴨肝好香，可能本身我好鐘意食鵝肝鴨肝😂不過提提大家唔洗食埋新鮮煎出黎果塊松菱方包，係用黎吸油嘅，而當時我肚餓就食咗一半，隔離位個朋友食哂成塊😂唔好嘥咗個位喇
6. 鰻魚
鰻魚拎上枱已經見到好厚肉，大慨第2道菜已經開始燒，不過由於放喺側邊慢燒所以排到第5,6道菜先輪到佢，不過真心值得等待，第一次食燒鰻魚個皮好似焦糖燉蛋個面咁脆，香脆得來魚身一d 都唔乾，值得推薦！
7.鮑魚
鮑魚好大隻，大過籃球員隻手，見過未食過，放落鐵板燒果下諗起去日本時嘅跳舞鮑魚💃軟糯唔靭好腍身👍🏻
8.美國薄燒牛肉
鐵板燒必食薄燒牛肉，個人鐘意加多d 蔥花喺入面，因為食到衣個地步已經開始有少少油膩感覺，蔥花青草香啱啱好中和一下牛味及油膩感。
9.A4日本西冷
入口油脂豐富，香濃口感入口即融，不過已經好飽所以只係食咗2小塊。
10.牛肉燒飯
先炒細細蔬菜粒再加牛肉粒燒飯，已經飽到食唔落，只係試咗2啖又係放棄咗，不過牛肉好夠油香，成個飯喺咁飽狀態下都仲係覺得好好食，加上蔬菜粒好多又切得好細又均勻，完美地平衡油膩感👍🏻
*最後，有一個項目要必提，就係加砂糖嘅燒麵包條，果個聽落好普通但好食到暈咗！
*酒水為自携品
104 瀏覽
0 讚好
0 留言
張貼
