定食8 (已結業)

好耐都無食呢間，入到黎先知原來依家無得再任添麵豉湯，椰菜果啲。出左啲新野，以前食都無呢啲款。我要左set壽司連一個迷你豬頸肉烏冬。前菜係海帶，覺得幾好食。麵豉湯我都幾鍾意飲，因為唔同普通無乜料既麵豉湯，佢係有啲類似三文魚肉係入面，所以會多左啲鮮味。壽司其實就相當馬馬地，味道無乜特別出色，但起碼唔會腥臭。個烏冬煲得太耐，過熟，唔好食，果半粒溏心蛋就幾好味，豬頸肉都幾好食，又夠淋，夠味。加錢既蝦中規中矩，唔係特別話好新鮮，但又未算係好差咁。蟹膏質素都一般，不過其實佢對得住佢個價錢既，一分錢就一分貨，都唔可以對佢抱太多太大期望。