Café Crêpe

營業中

休息中

地址－Café Crêpe將軍澳康城路1號The LOHAS康城3樓B02號舖💋肉桂烤啤梨配鹽味焦糖醬 (加雲呢拿味雪糕球)，呢個可麗餅一上枱真係嘩一餐，勁大塊，食落好有蛋香味，咬落又煙煙韌韌咁，幾高汁下，而佢裡面層餡有唔少的烤啤梨，配埋肉桂，中和左啤梨中的酸味，再加埋最頂層的雲呢拿味雪糕球，又凍又熱咁，層次非常豐富，正。💋榛子醬可麗餅(加香蕉)，呢個可麗餅我就加香蕉餡，食落比係泰國食的足料好多，佢連榛子醬都落得勁慷慨，份量唔少，所以味道會比泰國的好好多，而我加左香蕉的關係，佢D酸味中和左榛子醬的甜味，成件事唔會話太甜，食落味道岩岩好，唔錯。💋橙冰香草梳打及紅寶石朱古力，食完甜品當然要飲返杯野啦，我叫左杯橙冰香草梳打，飲落幾清新，酸酸甜甜咁，唔錯，而紅寶石朱古力係呢個逐漸步入寒冬的時間飲真係好岩啦，飲完成個人都暖笠笠咁，正。