Bove (已結業)

之前聽人講過話Bove嘅梳乎厘好好食，次次行過都見到排晒長龍咁。但係今日行過，居然冇人排隊喎，所以就嗌咗一個原味疏乎厘班戟加朱古力醬。因為係即叫即整，所以都等左有10幾分鐘，但係出到黎見到佢個賣相真係好一流，份量一啲都唔少，有兩大件。用叉吉落去果下就知道個班戟真係超級軟熟，食落口仲好香好滑。不過如果一個人食兩件都幾滯架，建議大家同friend share。朱古力醬就只係普通嘅朱古力醬，冇乜特別。希望下次冇咩人嘅時候可以試吓佢其他餡料啦。