泰COOL (翩匯坊) (已結業)

我真係好鍾意食泰菜 平日一向唔等位都等左半個鐘多啲入到去地方雖然唔大 但張枱都夠晒擺野食兩個人叫左蝦餅 生蝦 豬頸肉 蟹肉粉絲 生菜包雖然俾少左舊蝦餅 但都好快俾我 侍應仲好活潑話返嚟喇舊蝦餅～全部野都好好食 食得好開心 食到中途泰國女侍應好貼心咁提醒我生蝦要快啲食擺耐左唔新鮮唔好食我食完手上嘅生菜包即刻食埋隻生蝦佢返轉頭嘅時候見到我食左隻生蝦 我哋望住大家都笑左後來佢見我食晒啲生菜仲有肉碎 仲問我加唔加生菜加完生菜啱啱好撈晒啲肉碎 佢收碟嘅時候仲同我講啱啱好 雖然當晚好多人 但服務態度都可以咁好真係食得好開心 好希望可以多啲幫襯希望係將軍澳區快啲搵到地方再開呀