新麻蒲 BBQ (東港城) (已結業)

入冬後天氣開始轉冷，今日凍凍地，就心思思想去食燒肉。嚟到東港城，就揀咗呢間"新麻浦"食啦。由於今日7點鐘就嚟到，可以時間尚早，唔駛等位就可以直接入座，正呀。打開menu，入面有各式各類嘅燒肉可以選擇，花多眼亂，霜降牛肉、五花肉(豬)乜都想食，都唔知點揀。突然見到一個牛肉套餐，裡面有3款牛( 特級霜降牛、秘製牛肋排、 LA牛肋骨)，仲有大蝦、蘑菇、豬肉香腸。霜降牛嘅肉質真係唔錯，D脂肪分怖得好平均，好靚，但又不會太過油。而秘製牛肋排和牛肋骨都有事前調味，甜甜地，好味。最正嘅係有個部隊鍋，一次過可以食晒燒肉和部隊鍋，雙重享受。食吓燒肉，又食吓辣辣嘅部隊鍋，再食吓D前菜清吓個口腔，然後又食返燒肉……真係可以食唔停口。