板上 (中海日升中心) (已結業)

今日冇帶lunch box，柴娃娃跟公司同事order外賣飯盒，佢哋話板上啲飯盒乾淨企理又好食，$48蚊仲有一杯飲品。板上照燒雞飯，一盒飯🍱分左3個區域，好企理，中華沙律，微微帶酸又爽口，食左好開胃，雖然冇菜，但係有粟米粒，粒粒又甜又卜脆，最正緊係照燒雞啦，份量又多，鋪滿成個飯面，雞肉嫩滑，塊皮雖然已經唔係脆身，但仍保持燒香味👍，珍珠米粒粒分明，唔會太黏，醬汁份量唔會太多，撈埋個飯一齊食，味道岩岩好。非常滿意嘅一個午餐😋。