杏甜品 (香檳大廈)

營業中

休息中

復活節假期的下午4點去到尖沙咀，難得杏甜品唔需要排隊，就入咗去~試咗輕食套餐set B+抹茶杏仁奶凍吸吸。輕食套餐set B包一份飲品、三文治、輕營甜品，賣$58算抵食呢！今次叫的係杏咖啡、和風雞肉三文治、杏仁奶凍。前兩者味道不錯，咖啡適合鍾意飲淡啡味的人，有少少苦澀加上濃香杏仁味；三文治夾有生菜和番茄，還有一抹厚厚的雞肉沙津，用上竹炭麵包都好特別。唯獨杏仁奶凍冇乜杏味，似係一杯白色魚膠粉啫喱，可以不試。至於杏仁奶凍吸吸，其實即杏仁豆腐飲品，相對set B的奶凍反而杏香四溢，而且定價$38有咁大杯，都好抵飲。