慢煮工業 (已結業)

無意中搵到呢間餐廳，一早同朋友訂左枱。太子有兩間分店，大家如果訂左枱就要小心唔好去錯。呢間係二樓，地方都算大，燈光比較暗，幾好情調。我地叫左牛扒，豬仔脾同兩杯cocktails。其實野飲就真係麻麻。但勝在平，好似68蚊。但野食真係無得輸。呢個扒先百幾二百蚊，但煮得一啲都唔馬夫！肉質好林，好香牛味，真係物超所值。呢個豬仔脾好有驚喜，本身對豬扒豬鞍類既興趣好一般，通常都「孩」，但呢個係鮮嫩彈牙個介末醬先係重點，個醬好好味。如果想去既朋友我建議訂枱穩陣，因為都幾多人。