Espuma (H8) (已易手) 新餐廳

(長文，不喜勿插)我覺得哩間食店既安排好有問題！我同朋友無訂位，即場攞飛等，問咗只有我同前一張飛等緊位！眼見店內都有唔少吉枱，心諗應該係訂咗枱未到啫，所以企門口繼續等！等咗半粒鐘都未叫飛，但同時！有兩位女仔剛到，佢地問我朋友係咪要攞飛！點攞！朋友答完後，兩位女仔行去攞飛位，職員行到問幾多位，問完直接帶兩位女仔坐响一張4人枱！我同朋友3人同前一張飛既客都呆哂！我直接問職員，點解兩個女仔可以唔洗攞飛直接入坐，我地就要等！佢同我講個張係2人枱(最嬲係佢地係坐緊4人枱，而前後周圍既4人枱都坐緊唔止兩個人！)因為限聚令唔可以坐多兩個人！講完佢就急急腳走咗！我地都好嬲！職員可能見我地好嬲，即時叫飛(完全係無人食完離開)我眼見啲4人枱都唔止坐兩個人，真心好想問我係咪見到鬼！未入坐已經咁既服务，真係著哂！即時走人！唔會再想食哩間店！