龍莊

營業中

休息中

🍴桂花車厘茄店員問完飲咩茶，隨即送上冰涼前菜，紅橙兩色嘅車厘茄浸過桂花糖，甜美酸爽，清香撲鼻。🍴懷舊金沙腰膶 HK$88腰膶只要夠靚，白灼已經好正，火候剛好，爽嫩唔臊。🍴大吟釀煮花蛤 HK$208花蛤大大隻，鮮甜冇沙，大吟釀酒香濃郁醇厚，湯汁飲到一滴都冇得剩，實在醉人。🍴蠔邁燒椒汁 HK$198蠔肉豐厚飽滿，成隻放入口，品嚐奶滑甘甜，湯汁由上湯加上花椒煮成，辣味温和，香而不膩，提鮮唔霸道。🍴煙燻樟茶鴨 HK$168一開蓋，煙燻香氣撲鼻而來，而香氣滲入每一絲鴨肉，絕非流於表面。啡黃鴨皮配上啡紅鴨肉，皮酥肉嫩，鹹香濃郁，更勝法式油封鴨，確係出色。📍龍莊太古英皇道1001號8樓2號舖