鯛魚魚湯專門店 (已結業)

上星期收工同同事去左食，呢間鯛魚烏冬我諗係太古坊做野既人冇一個未食過掛！中午中排長龍，我同事未食過所以帶佢試下～呢個原隻蟹鯛魚湯烏冬賣相一流，用埋明爐上，熱住咁食。蟹肉多而且實，食蟹都飽飽地！同事就叫左蒜片牛粒魚湯烏冬，牛粒係另上架，加埋蒜片好有鐵板燒風味😻牛肉粒好入味，肉質林，好正！仲叫左個小食-吉列豬扒，份量驚人！新鮮炸起，仲有個油隔晾起豬扒，同沙律菜分開，非常貼心，豬扒好林，外層厚薄適中，點埋個沙津醬一流呀！