幕多

營業中

休息中

之前已經是舊店 (植幕宵) 的Fan，今晚睇學友演唱會，帶埋朋友試必吃的蝦湯麵。因為準時開場，所以早D食不用排隊。餐廳雖小但滿店充滿了蝦湯味，我們各人叫了一碗醬油蝦濃湯刀削麵，另加一隻糖心蛋。原來蠔湯麵是星期四限定，不過蠔迷想吃也可以跟老闆聯絡提早預訂，老闆真好人有求必應。等左一陣老闆已經捧上熱辣辣的蝦湯麵，之後仲手持一個小茶壺，很有儀式感地為我們加上自家製的蝦油。天花板級別的蝦湯完美呈現眼前，湯內仲有很多細少的櫻花蝦及切碎的京蔥。蝦湯味道濃郁，感覺好似一隊蝦兵團衝入個胃。配上新鮮的蔥味及煙韌麵條，全碗湯飲晒。無味精湯頭飲完唔會口渴，仲有回甘的鮮味，也是我回頭多次的原因。老闆每個細節位也非常細心，醬油蝦是剝掉蝦殼的。最啱蝦殼敏感的懶惰朋友，不會錯過食靚蝦的機會。 蝦肉鮮甜煙靭彈牙，帶有淡淡的玫瑰露香氣，令味蕾上了層次豐富的一課。醬油蝦濃湯麵的好朋友一定是醬油溏心蛋，這是我每次食麵的完美夢幻組合。此店採用蛋味濃郁的日本夢王蛋，深紅色流動的蛋黃，流心程度剛剛好，不會太稀爛或硬，是我每次必點之選。