Take Five (已結業)

呢間隱藏於大角咀嘅漢堡餐廳裝修行簡約路線，日頭睇唔太起眼，但夜晚喺燈光嘅映襯下又變得幾有feel~Take Five最出名應該係呢款，目測差唔多枱枱都有一份！吃落果然唔會失望，蟹炸得夠脆夠juicy，加埋帶有明太子個汁，真心好味！但略嫌食起上嚟真係好難美觀，甚至可以用狼狽嚟形容，如果約咗心儀對象就唔太建議食喇～呢個意大利飯夠驚喜，好creamy，帶子大大隻，值得一試！薯條上面啲芝士唔夠多，食落太乾身，亦唔脆，冇驚喜，唔會再試！奶昔感覺上同麥當勞嘅差唔多，但呢杯就盛惠$36；而梳打就真心冇特別，但都要$28。