華苑酒家 (已結業)

呢兩日突然又凍返，好想打邊爐，同老公行到安寧路見呢間酒樓有火煱，我地又未試過，就入去試試佢～任食火煱，星期一至五晚都係$138，星期六、日$158, 又幾抵喎！鍋底仲有三款雞煲揀唔使加錢（椰子雞、重慶雞同醉雞煲），不過老公話唔想食雞煲，想普通打邊爐，所以揀左豬骨鍋。火煱料選擇唔算好多，但應該有既都有汽水啤酒任飲菜同菇放係雪櫃自己夾，感覺衛生啲～打邊爐，最緊要個湯底，望落好足料，入面有兩舊好大既豬骨。打邊爐之前試飲左啲湯，湯底係好清既奶白色，好濃豬骨味，仲有啲胡椒味。見到成枱都係餸真係好開心！叫左肥牛、羊片、魚肚、鵝腸、淮山片、腐竹、竹笙、豆腐等⋯⋯全部份量都好足，我地每樣野只係叫二人份量已經咁多！配料全部都好新鮮！鵝腸好爽脆～雞片都好滑！肥牛都好有牛味，羊片都唔錯！重點想推介比大家既係*手打丸*，佢全部丸都係師傅自己打！唔係來貨！（因為太好味，我偷偷問左經理）手打丸有牛肉、豬肉、蝦、墨魚、綾魚等，其中我最鍾意係牛丸、蝦丸同墨魚丸！牛丸好有牛味，應該用新鮮牛肉打，蝦丸同墨魚都好滑！好正👍🏼👍🏼我覺得師傅日日新鮮做呢啲手打丸，真係好有誠意！讚！另外，魚肚都正！塊塊都好厚！呢度應該做開街坊生