燒鬼 (已結業)

早幾日早收工同同事嚟到位於銅鑼灣嘅燒鬼食放題～估唔到5點半入到去已經有幾枱客人！餐廳都有十幾枱坐位，而且座位都算幾闊落，坐得都舒服。烤爐係用日式網燒爐，每個爐頭上面都有個抽油煙機，咁就無咁焗放題套餐我就揀咗牛海姬，除咗有8款頂級美國牛肉外，仲有多款雞肉、黑豚、海鮮、蔬菜、前菜、壽司、和食、麵飯湯同8款刺身！上菜速度都幾快，而且望落同食落牛肉肉質都唔差，刺身以燒肉放題嚟講都出奇地新鮮好味！牛肉方面，最推薦嘅係牛舌、牛胸腹、牛板鍵香蔥薄燒！刺身極度推薦：魷魚、甜蝦、帶子，超級鮮甜！其他食物都好有驚喜同質素，尤其係天婦羅，新鮮即炸好脆口～前菜嘅辣味貢菜帶子裙邊都好開胃，一定要食！