Hosea

營業中

休息中

同亞女去完法國醫院🏥睇醫生，跟住就去食飯，去開嗰間已經結業，見到呢間坐得舒服啲、靚靚仔仔，就入去，環境感覺舒服，服務麻麻，食物同想像中有出入。二人套餐 A+C $430是日餐湯店員話係薯仔湯，但係我飲落似蘑菇湯，味道一般。是日精選沙津明顯係罐頭夏威夷水果沙律，覺得無乜誠意。小食英式炸魚配薯條炸魚正常，薯條好快就唔脆，一般主食夏威夷薄餅🍕一般香烤紐西蘭牛扒拌薯菜牛扒叫咗5成熟，牛扒肉質有點鞋，無乜牛味。🫢晚餐-香煎三文魚柳伴蝦配忌廉汁 $188三文魚煎得香脆，蝦一般，薯蓉味道好怪，好似豆蓉嘅味，三文魚係最好食，不過唔抵食。跟餐兩杯蘋果汁+$20正常跟餐凍檸檬茶 +$5茶非常淡、無味整體評價：餐廳環境OK，服務一般，價錢偏貴，食物麻麻，食到冇晒心機，食完都唔飽。成餐埋單$707，可以有更好選擇。