影片
更多
2023-07-10
1818 瀏覽
女友小熊話有段時間無食潮州菜，想食螄蚶.唔知點解，潮州菜先有螄蚶?我係屯門出差，小熊係香港島收工，於是揀個兩者中間位置開餐，中間位置係荃灣，上網睇睇，明記係荃灣有分店，於是上明記開餐.旺角明記唔只幫襯一次，所以放心幫襯荃灣店. 另外仲有個目的，旺角店舖嘅凍0茶有粒熊仔冰粒，女友小熊好鬼鍾意話佢好Q，所以想會吓粒熊仔冰粒!唉.... 我有時對住小熊，都會頂唔順佢D傻勁! @_@:荃灣店就無熊仔冰粒供應，但有大大杯凍0茶而且圍圍枱都點，成個啤酒杯咁大杯，我同小熊兩個人點一杯都係啱啱好飲哂，依家天時暑熱，有杯咁巨型嘅凍0茶絕對加分不少，只係賣36蚊! 出面D茶記，差不多賣成20蚊仲要得果丁咁細杯份量，即刻將果D茶檔比下去!加分地方仲有兩點，第一係D小食花生，明記花生夠香口夠脆，有D餐廳嘅花生一入口，唔夠脆入哂氣，相當無引，雖然問題小小，但如小小問題都忽視，質素好極有限，大大扣分.第二點係個螄蚶夾，試過用D螄蚶夾，爛都俾客用! 有D就用得多有損耗，開螄蚶唔夠乾淨利落，今次螄蚶夾好好用! 一開就攪掂!等我開多幾隻俾女友小熊食先! 易開!螄蚶用酒醃制，仲有蒜香同莞茜香，又鮮嫩又爽口，食到停唔到口，
唔知點解，潮州菜先有螄蚶?
我係屯門出差，小熊係香港島收工，於是揀個兩者中間位置開餐，中間位置係荃灣，上網睇睇，明記係荃灣有分店，於是上明記開餐.
旺角明記唔只幫襯一次，所以放心幫襯荃灣店.
另外仲有個目的，旺角店舖嘅凍0茶有粒熊仔冰粒，女友小熊好鬼鍾意話佢好Q，所以想會吓粒熊仔冰粒!
唉.... 我有時對住小熊，都會頂唔順佢D傻勁! @_@:
荃灣店就無熊仔冰粒供應，但有大大杯凍0茶而且圍圍枱都點，成個啤酒杯咁大杯，我同小熊兩個人點一杯都係啱啱好飲哂，依家天時暑熱，有杯咁巨型嘅凍0茶絕對加分不少，只係賣36蚊! 出面D茶記，差不多賣成20蚊仲要得果丁咁細杯份量，即刻將果D茶檔比下去!
加分地方仲有兩點，第一係D小食花生，明記花生夠香口夠脆，有D餐廳嘅花生一入口，唔夠脆入哂氣，相當無引，雖然問題小小，但如小小問題都忽視，質素好極有限，大大扣分.
第二點係個螄蚶夾，試過用D螄蚶夾，爛都俾客用! 有D就用得多有損耗，開螄蚶唔夠乾淨利落，今次螄蚶夾好好用! 一開就攪掂!
等我開多幾隻俾女友小熊食先! 易開!
螄蚶用酒醃制，仲有蒜香同莞茜香，又鮮嫩又爽口，食到停唔到口，一流!
另外點咗墨魚大腸鵝腸三併，黃金魷魚鬚同細蠔仔粥.
墨魚唔韌大腸同鵝腸唔多膏夾自己口味，而且鵝腸爽脆，最緊要點人辣油，我唔好辣，但潮州菜嘅辣油例外，因為味道好正，辣度啱啱好又有蒜香，點滷水一流!
黃金魷魚鬚外脆內軟之餘，多一份鹹蛋黃香，份量足夠無偷工減料.
自知眼闊肚窄，所以蠔仔粥只叫一客細碗，餐廳又好鍋心，有大碗細碗供應，蠔仔size比較大，入口鮮嫩，係另一道滿意菜式.
唔好睇佢門口細細，上到去原來坐滿客爆場! 同下面冷清清街頭成強烈對比!
最後，冷氣足夠，唔會食到大汗疊細汗，好舒服咁食哩餐晚飯.
潮式秘制螄蚶
38 瀏覽
0 讚好
0 留言
墨魚鵝腸大腸三併
28 瀏覽
0 讚好
0 留言
黃金魷魚鬚
20 瀏覽
0 讚好
0 留言
蠔仔粥
20 瀏覽
0 讚好
0 留言
大大大杯檸茶
31 瀏覽
0 讚好
0 留言
張貼
