影片
更多
2023-05-27
2038 瀏覽
嚟到五六月 就係要特別要感謝吓父母嘅養育之恩 所以帶佢哋去食個放題刷餐勁🫢 揀咗嚟呢間滿屋放題 叫咗最基本嘅A餐 經典放題組合都有72樣野食㗎 超級豐富😌刺身一嚟梗係要食刺身啦🤪 叫咗甜蝦 大赤蝦 北海道帶子 象拔蚌 赤貝 希靈魚 八爪魚 仿鮑片 北寄貝 油甘魚 三文魚 真係超多款式 最推介北海道帶子同大赤蝦 帶子非常軟腍 大赤蝦又彈牙 另外大家最愛嘅三文魚都好厚切🤩壽司卷物試咗兩款手卷 海膽手卷同龍蝦沙律手卷 手卷份量唔會好大 所以唔會好快飽 海鮮都有啲鮮甜㗎😍 質素都算ok㗎 仲叫咗蟹籽軍艦同燒汁鮑魚仔軍艦 呢兩款嘅份量就同其他地方嘅差唔多啦😉串燒叫咗⻄京比目魚 鹽燒牛舌 鹽燒雞軟骨 鹽燒雞翼 鹽燒海蝦同燒新鮮菠蘿 全部都好好味👍🏻 不過最有驚喜嘅就係比目魚同牛舌 比目魚口感好滑🐟 仲有魚油香 牛舌厚得嚟唔會韌 一咬即斷 所以呢兩樣都忍唔住叫咗三次燒物叫咗燒羊鞍同埋黃金燒扇貝 羊鞍好香 有油脂感得嚟唔會太羶🐑 扇貝有少少芝士味同千島醬調味 都幾特別🐚炸物自家製吉列炸蠔同芝麻雞翼都好推介 雞翼好大隻 咬開仲有肉汁 炸蠔就夠飽滿 唔會腥🦪天婦羅有4款食物可以選擇 全部都叫晒嚟食 有虎蝦
嚟到五六月 就係要特別要感謝吓父母嘅養育之恩 所以帶佢哋去食個放題刷餐勁🫢 揀咗嚟呢間滿屋放題 叫咗最基本嘅A餐 經典放題組合都有72樣野食㗎 超級豐富😌
刺身
一嚟梗係要食刺身啦🤪 叫咗甜蝦 大赤蝦 北海道帶子 象拔蚌 赤貝 希靈魚 八爪魚 仿鮑片 北寄貝 油甘魚 三文魚 真係超多款式 最推介北海道帶子同大赤蝦 帶子非常軟腍 大赤蝦又彈牙 另外大家最愛嘅三文魚都好厚切🤩
壽司卷物
試咗兩款手卷 海膽手卷同龍蝦沙律手卷 手卷份量唔會好大 所以唔會好快飽 海鮮都有啲鮮甜㗎😍 質素都算ok㗎 仲叫咗蟹籽軍艦同燒汁鮑魚仔軍艦 呢兩款嘅份量就同其他地方嘅差唔多啦😉
串燒
叫咗⻄京比目魚 鹽燒牛舌 鹽燒雞軟骨 鹽燒雞翼 鹽燒海蝦同燒新鮮菠蘿 全部都好好味👍🏻 不過最有驚喜嘅就係比目魚同牛舌 比目魚口感好滑🐟 仲有魚油香 牛舌厚得嚟唔會韌 一咬即斷 所以呢兩樣都忍唔住叫咗三次
燒物
叫咗燒羊鞍同埋黃金燒扇貝 羊鞍好香 有油脂感得嚟唔會太羶🐑 扇貝有少少芝士味同千島醬調味 都幾特別🐚
炸物
自家製吉列炸蠔同芝麻雞翼都好推介 雞翼好大隻 咬開仲有肉汁 炸蠔就夠飽滿 唔會腥🦪
天婦羅
有4款食物可以選擇 全部都叫晒嚟食 有虎蝦 南瓜 蕃薯 皇帝蟹棒 食得出係即叫即炸🍤 所以都幾脆 如果炸粉再薄啲就更好
一品料理
和風汁牛柳粒同避風塘金沙焗雞軟骨 呢兩碟都好有份量同有鑊氣😎
自助吧
除咗手機落單嘅嘢食 出面仲有得夾前菜 沙律同甜品🍰 鍾意朱古力嘅朋友可以用朱古力噴泉 飲品都有好多選擇 汽水 紙包飲品 啤酒 連清酒都有🍶
甜品
嚟到尾聲 梗係要食雪糕啦🍦 叫咗Haggen Dazs 嘅比利時朱古力同夏威夷果仁味 真係好滿足
呢餐放題真係食得好開心 食物質素至少有中上 一啲都唔會將貨就價 係一間有質素嘅日式放題🤤
張貼
