影片
更多
2020-10-06
426 瀏覽
睇左一個youtuber介紹，得知大圍新開左呢間以任食酸菜魚作招來嘅火鍋放題，即刻同個friend book檯試試佢！食物分五個環節，除左剌身同海鮮拼盤按人頭只供應一次，其他都可以再追加！首先黎左4款小食：麻香雞腳、黑松露蝦多士、炸魚塊和話梅鴛鴦苦瓜，最好味係蝦多士，新鮮炸起，唔會太油膩，其他小食都算幾開胃，不妨一試！之後就係剌身，本身係呢類中式食肆食剌食無乜信心，但估唔到有驚喜，剌身好新鮮，解凍解得好，尤其帶子勁厚，好有滿足感，生蠔都好creamy夠滑身！之後食酸菜魚，魚肉好滑漏，無乜骨，似走過油，湯底酸酸地帶點花椒同乾辣椒嘅香麻，唔錯！火焰醬爆鑊仔雞，呢個超惹味，醬汁香濃，雞件雖小但好滑，送酒一流！之後就到打邊爐，湯底揀左胡椒豬肚湯，店家好細心用湯包入起d椒粒同調味料，唔會整到成個湯都係，入面除左豬肚仲有新鮮豬粉腸同酸菜，湯味濃郁，好味！再黎就係海鮮拼盤，大到嚇親，值得一提係d鮑魚同帶子真係勁大隻，好新鮮，超彈牙！其他火煱配料選擇唔多，但貴精不貴多，樣樣都新鮮好味，一定要試響令，係店家自己炸唔係現成貨，心機野好少地方食得到！最後食埋甜品就走，估唔到呢個海鹽雪榚咁好味，咸甜兩者平衡得
首先黎左4款小食：麻香雞腳、黑松露蝦多士、炸魚塊和話梅鴛鴦苦瓜，最好味係蝦多士，新鮮炸起，唔會太油膩，其他小食都算幾開胃，不妨一試！
之後就係剌身，本身係呢類中式食肆食剌食無乜信心，但估唔到有驚喜，剌身好新鮮，解凍解得好，尤其帶子勁厚，好有滿足感，生蠔都好creamy夠滑身！
之後食酸菜魚，魚肉好滑漏，無乜骨，似走過油，湯底酸酸地帶點花椒同乾辣椒嘅香麻，唔錯！火焰醬爆鑊仔雞，呢個超惹味，醬汁香濃，雞件雖小但好滑，送酒一流！
之後就到打邊爐，湯底揀左胡椒豬肚湯，店家好細心用湯包入起d椒粒同調味料，唔會整到成個湯都係，入面除左豬肚仲有新鮮豬粉腸同酸菜，湯味濃郁，好味！再黎就係海鮮拼盤，大到嚇親，值得一提係d鮑魚同帶子真係勁大隻，好新鮮，超彈牙！
其他火煱配料選擇唔多，但貴精不貴多，樣樣都新鮮好味，一定要試響令，係店家自己炸唔係現成貨，心機野好少地方食得到！
最後食埋甜品就走，估唔到呢個海鹽雪榚咁好味，咸甜兩者平衡得好好，相輔相成，仲要係香港製造，一定要多多支持！
張貼
