影片
更多
2021-07-19
824 瀏覽
而家做到7點鐘，想食晚餐就要早啲啦，我同朋友慕名而來，咩都唔識，侍應好熱心咁推薦孖寶(肉餅+豬扒)，推薦星米，仲有教我哋點加辣醬加辣菜脯食星米。我食嘅三樣餸都偏鹹，重口味，食完好口渴，建議淡口味者要慎重考慮。*生煎肉餅飯 $58煎到啱啱好，香脆又上色，厚身啖啖肉，肉餅本身好重肉感，唔會好多肥豬肉，咬落juicy有肉汁，肉味反而爭少少，有馬蹄粒同有少少甘味，陳皮甘味(?)，我都唔係好確定係唔係陳皮。一啖肉餅一啖飯，食晒肉餅仲可以落辣菜脯撈飯，菜脯好細粒，而且偏辣，我覺得菜脯撈飯size啱啱好。椒鹽豬扒飯 $58食唔到椒鹽味，反而似蔥香豬扒飯，豬扒醃到好腍，冇左肉嘅質感同肉味🥲煎炸到熟度啱啱好，但好油，唔係juicy肉汁，係好油嘅汁，同我想像中嘅椒鹽豬扒飯有出入。星洲炒米 $56嘩，超級大碟，星米炒到乾身，又唔會好油膩，冇啲假黃色米粉色，有蝦仁叉燒青椒洋蔥韮黃，標準嘅料頭，每一啖好有層次感，超香超有味，加辣菜脯好食，加辣醬更好食，一啖接一啖停唔到口，係我食過最正嘅星米。
*
生煎肉餅飯 $58
煎到啱啱好，香脆又上色，厚身啖啖肉，肉餅本身好重肉感，唔會好多肥豬肉，咬落juicy有肉汁，肉味反而爭少少，有馬蹄粒同有少少甘味，陳皮甘味(?)，我都唔係好確定係唔係陳皮。一啖肉餅一啖飯，食晒肉餅仲可以落辣菜脯撈飯，菜脯好細粒，而且偏辣，我覺得菜脯撈飯size啱啱好。
生煎肉餅飯
$58
39 瀏覽
0 讚好
0 留言
椒鹽豬扒飯 $58
食唔到椒鹽味，反而似蔥香豬扒飯，豬扒醃到好腍，冇左肉嘅質感同肉味🥲煎炸到熟度啱啱好，但好油，唔係juicy肉汁，係好油嘅汁，同我想像中嘅椒鹽豬扒飯有出入。
椒鹽豬扒飯
$58
60 瀏覽
1 讚好
0 留言
星洲炒米 $56
嘩，超級大碟，星米炒到乾身，又唔會好油膩，冇啲假黃色米粉色，有蝦仁叉燒青椒洋蔥韮黃，標準嘅料頭，每一啖好有層次感，超香超有味，加辣菜脯好食，加辣醬更好食，一啖接一啖停唔到口，係我食過最正嘅星米。
星洲炒米
$56
52 瀏覽
0 讚好
0 留言
張貼
