Ideas Dessert (已結業)

今晚收工十點幾時間不早，但聽日放假，收工又想食啲野。所以就搵埋個friend出嚟，夜晚搵甜品食。因為深夜時間，選擇就唔算多，但今日30幾度，絕對係想搵啲凍冰冰嘅甜品食。上網搵到有間係大窩口comment 不錯嘅,朋友都話食過唔錯，所以我今晚就試下Ideas Dessert！雖然假期前夕，都唔知點解今晚都唔算太多人。因為啱啱收工所以都叫咗少少零食同埋當然唔少得食凍冰冰嘅甜品啦。零食方面今晚就叫咗椒鹽魷魚酥同埋炸燒賣。雖然呢間舖頭主打甜品為主, 但係小食都新鮮製作, 椒鹽味道濃郁。夜麻麻收工想食少少鹹嘢都係一個唔錯嘅選擇 。另外甜品方面叫咗士多啤梨雪冰，同埋紫薯仙草芋圓冰仙草芋圓冰。兩樣嘢都係新鮮製作，士多啤梨雪冰淡淡清新士多啤梨味，唔會話太甜。唔想食太甜嘅大家絕對可以試吓。至於紫薯仙草芋圓冰，材料十足，而且紫薯有淡淡香味。配上凍冰冰嘅仙草同埋冰。30幾度食呢個甜品絕對係一流嘅選擇。大家嚟到大窩口又想搵甜品又想支持下，絕對推介！