影片
更多
2019-01-14
174 瀏覽
新界人好少去港島，堅尼地城更加冇咩機會去。不過適逢老公生日，在機緣巧合下搵到呢間餐廳。在地鐵站行過去不算遠，5分鐘內就到。七點幾去到人不算多，所以餐廳侍應非常好服務。我們點了一個二人餐，貪佢有海鮮、有牛扒、有意粉和甜品。先上咗個海鮮拼盤，有生蠔、翡翠螺、青口、大蝦和蜆。侍應話俾我知細隻那一款生蠔是來自法國🇫🇷，而大隻那款是來自美國的珍珠蠔。個人覺得法國那款生蠔好食啲，雖然細隻，但好爽口同埋鮮甜。其他海鮮好似青口、蜆都好夠味，完全不用加檸檬汁和其他醬汁。之後上前菜—香檳忌廉煮藍青口。因為係前菜，所以只得幾隻藍青口。藍青口真係超好食，食幾隻完全唔夠喉。佢嘅味道令我想起去挪威旅行時，食過既白酒忌廉煮青口，兩者質素不遑多讓。上菜時已經聞到好香嘅香檳味，但食嘅時候完全唔會奪去青口嘅鮮味。藍青口雖然細隻，但質感同一般雪藏青口係差天共地。呢隻細細隻而且有微微的海水鹹味，我以前都唔知新鮮嘅青口嘅質感係可以咁好。我哋分別要了蘑菇湯和龍蝦湯。龍蝦湯好香，香濃嘅龍蝦味咸中帶甘，從而帶出龍蝦本身特有嘅味道。蘑菇湯香濃幼滑加上少少松露，把蘑菇湯的味道提升了。安格斯牛扒約七成熟，肉質軟熟，連根和肥膏都非常淋。以往
在地鐵站行過去不算遠，5分鐘內就到。七點幾去到人不算多，所以餐廳侍應非常好服務。我們點了一個二人餐，貪佢有海鮮、有牛扒、有意粉和甜品。
先上咗個海鮮拼盤，有生蠔、翡翠螺、青口、大蝦和蜆。侍應話俾我知細隻那一款生蠔是來自法國🇫🇷，而大隻那款是來自美國的珍珠蠔。個人覺得法國那款生蠔好食啲，雖然細隻，但好爽口同埋鮮甜。其他海鮮好似青口、蜆都好夠味，完全不用加檸檬汁和其他醬汁。
之後上前菜—香檳忌廉煮藍青口。因為係前菜，所以只得幾隻藍青口。藍青口真係超好食，食幾隻完全唔夠喉。佢嘅味道令我想起去挪威旅行時，食過既白酒忌廉煮青口，兩者質素不遑多讓。上菜時已經聞到好香嘅香檳味，但食嘅時候完全唔會奪去青口嘅鮮味。藍青口雖然細隻，但質感同一般雪藏青口係差天共地。呢隻細細隻而且有微微的海水鹹味，我以前都唔知新鮮嘅青口嘅質感係可以咁好。
我哋分別要了蘑菇湯和龍蝦湯。龍蝦湯好香，香濃嘅龍蝦味咸中帶甘，從而帶出龍蝦本身特有嘅味道。
蘑菇湯香濃幼滑加上少少松露，把蘑菇湯的味道提升了。
安格斯牛扒約七成熟，肉質軟熟，連根和肥膏都非常淋。以往我先生會把肥膏和筋切走，而我就幫佢食咗佢。因為呢啲部位牛味較濃，但就有點韌。但呢塊牛扒既呢啲部位都好軟淋，我地全塊牛扒食晒，完全無浪費。
香蒜大蝦天使麵的大蝦新鮮爽口。香蒜汁有少少辣，但配合天使麵則恰到好處。
天使麵配合芝士碎、露筍和波菜，口感非常豐富。
心太軟要等10分鐘，所以我哋食主菜到差不多嘅時候，侍應已經提議我哋點左甜品先。心太軟係心型😍，朱古流心加埋雲呢嗱雪糕，冰火交融。唯一美中不足係只有一球雪糕，如果有兩球就好了。
值得一讚係侍應服務非常好👍🏻亦好貼心。因為我同老公係share 食，侍應每次都會主動幫我地換新嘅碟，以免影響食物嘅味道。
張貼
