The Point Kitchen (奧海城2期)

營業中

休息中

呢間店一向感覺唔錯，唔使等位，坐得舒服，張枱又夠大，冇限時，所以喺我經常幫襯嘅原因。今次叫咗炸雞翼，蜆肉扁意粉，白酒（Robertson Winery Gewurtztraminer），一杯pretty in pink，甜品曲奇芝士蛋糕同埋蘋果撻～炸雞翼$88有六隻，一上枱熱辣辣，佢外面係yam左蛋黃再炸嘅，所以食落都好香蛋黃味，反而本身嘅雞味俾佢蓋過咗，而肉質今次一般，感覺好似雪咗好耐嘅雞翼，我記得之前係比較好食嘅。蜆肉扁意粉就唔係我食，我就唔評論啦～白酒都幾好飲，唔會話好苦，女仔都好岩飲。而杯Pretty in pink都好飲，cocktail黎講甜甜地，酒味唔勁。曲奇芝士蛋糕個樣我諗起saw果個小丑😂不過係好好食嘅，值得推介，質地係嫩滑嗰隻，而且個芝士味啱啱好夠濃郁，不知不覺幾啖就食晒～總結係呢間嘢未必每一次維持到水準，但係係一間唔錯嘅餐廳，員工嘅服務都仲係覺得好好嘅。