殷悅

能居高臨下宏觀荃灣市區景緻嘅中菜廳，曾經係米芝蓮推介餐廳，點心精緻，食材新鮮，色香味美。天鵝荔茸角造型靚就不在話下，蜂巢外皮酥脆，內層芋頭茸軟滑味香。沙律海皇角熱騰騰炸起，薄脆外皮，咬落去嗦嗦聲，裏面包著大大隻鮮蝦🦐同蝦膠，每一口都係爽口彈牙。杞子玉帶燒賣每粒都漲卜卜，體積比平常的大一陪，原粒帶子值回票價。豬肉質地結實並混合多種肉類，唔肥之餘仲要係彈牙。紅菜頭素餃具創意，補血美肌之選，無肉都一樣咁好味。