Mamaday (已結業)

朋友遠道而來搵我食飯，梗係帶佢食間好嘢啦，mamaday絕對係好選擇。我就叫咗個「泡菜唔太肥黑豚肉蛋包飯」 （ $112 ），我真係好鍾意佢成座山咁高嘅蛋包飯，啲蛋永遠都炒得咁滑，面頭有紫菜碎增加香味，泡菜黑豚肉辣辣地，非常惹味，而且份量真係好多，抵食！朋友叫嘅「千島軟殼蟹芝士比薩」（$128 ），個Pizza超香，面頭滿佈芝士和千島醬，仲有啲蟹柳和香草碎，最吸晴當然係隻軟殼蟹，炸好成隻上，太吸引了！切開裏面仲見到好多膏，啖啖肉正！另外仲叫咗一杯青檸蜂蜜梳打（$42 ），梳打同青檸蜂蜜分開上，唔知點解個梳打係紫色，好靚，不過就咁飲就冇乜味，要加落蜂蜜青檸自己撈勻。