素年 (汝州街)

營業中

休息中

和舊同學小聚，同學建議去深水埗“文青街”，我第一次聽深水埗有條咁嘅街？放工時間穿過深水埗大街小巷，見得最多的唔係文青，而係南亞裔人士，踢拖坐在欄杆上傾計！去到餐廳，好似去咗另一個世界，燈光光猛，人多熱鬧，與身後的黑暗對比，感覺有啲奇妙~~牛油果田園沙律伴多種蔬果，沙律汁非常好味。泰式青咖喱椰香野菜豆腐伴藜麥飯，另加手抓餅手抓餅好酥好好味，青咖喱味道微辣，伴手抓餅食極都想再食。其他拌菜有南瓜、珍珠筍、豆腐等，味道清新，感覺健康。素年經典不可能芝士漢堡同學點咗呢個招牌菜，但我就唔太啱，咬落去有啲難咀嚼，本身亦唔太接受人造肉。炸薯片就好好味，外脆內軟有質感，唔點茄汁都夠味。生酮日式大阪燒潮流興生酮，於是點咗個生酮日式大阪燒，但分量較少，食完幾件青瓜、菇之後，剩低嘅椰菜比較難用餐具食，感覺好似墊底裝飾嘅菜。 值得一提的是，餐廳的員工從廚師到服務員都非常年輕，有位短頭髮女服務員態度好誠懇，佢未必好熱情，但我哋提出嘅要求，佢都立即回應，唔會比臉色。