泰嘟嘟

營業中

休息中

限聚令調整到只可以兩個人一枱食飯，於是約朋友去奧運一帶行街兼食野，行過哩間餐廳見到都幾多人等外賣，於是朋友就話不如哩間，我地好好彩，一入去有兩個卡位，卡位甚有特色，設計成泰國的人力嘟嘟車一樣，燈光閃閃，別出新面，而店內都掛著好多泰國特色物品，感覺被泰國風情所圍繞住。睇下餐牌點餐，我地叫左個去骨豬手煲、冬陰功鮮蝦肉碎炒飯、椰青海鮮焗飯、火龍菓芝士沙冰、加咸檸檬梳打水，食物出得好快，朋友杯火龍菓芝士沙冰成杯紫紅色，面頭有一團白色忌廉狀的物體，應該是忌廉芝士，朋友話火龍菓好甜，混埋咸咸地的忌廉芝士味道都幾特別。去骨豬手煲既豬手燜得好琳，D肉放落口完全唔洗咬都會鬆開，皮的部份完全無脂肪，同樣好琳好軟滑，我食唔停口。冬陰功鮮蝦肉碎炒飯好大碟，我分左一半比朋友享用，原本仲奇怪點解無蝦係當中個名會叫鮮蝦肉碎炒飯？但當食到底時先發現寶物沉歸底，個飯雖然叫冬陰功，餐牌上無辣椒圖案，仲以為應該唔辣，但食落係有小小辣的。椰青海鮮焗飯，飯當中有好多嫩滑既魷魚條，飯面有兩隻青口加兩隻無殼既蝦，方便食用，而椰青內的飯加左椰漿混和，食落甜甜流流。食飽飽未到九點，同朋友係店內打卡先埋單。