影片
更多
2022-08-06
135 瀏覽
偶然經過既拉麵小店，以往對拉麵既印象都係濃濃豬骨同魚介味，但呢間小店主打既係雞白湯，所以就嚟試下啦!坐低就有一壺冰水俾你飲，係炎炎夏日真係有如甘露，餐廳入面有好多唔同既動漫周邊，就上映既Eva、早排好Hit既鬼滅之刃同埋龍珠都有，Fans們見到一定開心死講返野食先，主餐主打雞白湯，所以嗌左佢既鹽雞白湯沾麵同埋一份雞肉丸子試下⋙鹽雞白湯沾麵｜麵身有咬口，食有淡淡既麥味，掛湯力中等，麵量偏多，細食既可以要叫少麵啦!雞味適中清清地食落好舒服，最鍾意佢有少少洋蔥係入面帶到d清爽同辛口既感覺，食到尾都唔會覺得好漏。雞叉燒嫩滑得嚟好香黑椒味。流心蛋煮得啱啱好，蛋味夠，調味入哂落隻蛋到但又唔會過咸。加湯後雞味不減反增，完食!⋙雞肉丸子｜火喉啱啱好燒到外面微焦，醬汁略甜但丸身既雞味好香同唔乾身，非常唔錯!總括而言，小店環境乾淨企理，侍應們禮貌亦都好好，相比起個別拉麵店個種隆重高檔既氣氛，我認為天浮橋俾我既感覺更接近日本既拉麵舖，食落更輕鬆自在。野食有誠意，份量亦好足，足到我本來想叫個蕨餅但飽得滯都係算~~如果想食雞白湯拉麵既話係一個好唔錯既選擇!
坐低就有一壺冰水俾你飲，係炎炎夏日真係有如甘露，
餐廳入面有好多唔同既動漫周邊，就上映既Eva、早排好Hit既鬼滅之刃同埋龍珠都有，Fans們見到一定開心死
講返野食先，主餐主打雞白湯，所以嗌左佢既鹽雞白湯沾麵同埋一份雞肉丸子試下
⋙鹽雞白湯沾麵｜
麵身有咬口，食有淡淡既麥味，掛湯力中等，麵量偏多，細食既可以要叫少麵啦!
雞味適中清清地食落好舒服，最鍾意佢有少少洋蔥係入面帶到d清爽同辛口既感覺，食到尾都唔會覺得好漏。
雞叉燒嫩滑得嚟好香黑椒味。
流心蛋煮得啱啱好，蛋味夠，調味入哂落隻蛋到但又唔會過咸。
加湯後雞味不減反增，完食!
⋙雞肉丸子｜
火喉啱啱好燒到外面微焦，醬汁略甜但丸身既雞味好香同唔乾身，非常唔錯!
總括而言，小店環境乾淨企理，侍應們禮貌亦都好好，相比起個別拉麵店個種隆重高檔既氣氛，我認為天浮橋俾我既感覺更接近日本既拉麵舖，食落更輕鬆自在。
野食有誠意，份量亦好足，足到我本來想叫個蕨餅但飽得滯都係算~~
如果想食雞白湯拉麵既話係一個好唔錯既選擇!
鹽雞白湯沾麵
0 瀏覽
0 讚好
0 留言
雞肉丸子
22 瀏覽
0 讚好
0 留言
5 瀏覽
0 讚好
0 留言
張貼
