大圍小食

營業中

休息中

炸髀好大塊，顏色炸得好靚，裡面既肉唔會鞋。足料糯米飯天氣開始凍，糯米飯開始出現既時候啦😍😍配料有菜甫、花生🥜同蔥花，好正。食糯米飯點可以無佢既朋友「臘腸」🤪加左$10要一條。食哂一盒好滿足，又飽又暖笠笠。芫茜狗仔粉作為芫茜Fans一定要試，爆多芫茜，而且新鮮翠綠，鐘意辣既朋友，記得叫佢加自家製既辣菜甫😋燒賣魚蛋燒賣幾煙韌，陳皮魚蛋帶有回甘味，配埋佢既秘製醬😋蘿蔔豬皮豬紅要讚佢個蘿蔔清甜、入味同冇渣，豬皮都唔錯，紋得夠爽同入味😄小食店咩都有，價錢親民，每樣又keep到水準，果然係屹立不倒既老字號。