新金華酒家

營業中

休息中

牛池灣村内有数間俗稱，地踎茶楼飯店的食店，個人就偏愛幫襯近村口個間，新金華茶室原因是呢間茶室顧客較少，常常可以一個人就可以獨霸一枱慢慢嘆茶，吾駛同D三吾識七嘅人共享空間，好似我呢D乜都淨係有時間人仕，在此處真係可以消磨半天，由飲早茶到食埋個午餐至走都冇問题，而到左午餐時段，此店仲有例湯奉送，正如今日我柯打了一碟什會飯送嘅例湯係雪耳青紅蘿蔔南北杏煲唐排，全個午餐加埋茶錢合共$4I元，仲有食完個午餐仲可以同呢間食店，兩隻貓店長，金金，花花拍照如果，個日兩位店長訓得夠又心情好，就會比顧客任摸任影，仲會坐係你腳旁嗲你但如果佢地心情吾靚，就全程訓覺啋你有味，因有兩位貓店長坐鎮呢間食店雖然地踎，衛生環境較差但見吾到有米奇出現，但小強就有時就會出來散步，所以奉勸有潔辟及恐懼小強人仕就吾好光顧呢間食店。