更多
2019-01-27
854 瀏覽
今次同朋友三人行到深水埗搵食，呢間越南餐廳之前朋友都有推薦，話必食蟹膏蕃茄湯檬，一場來到當然要試下蟹膏蕃茄湯檬 $45大碗、足料！除左蟹膏外，仲有豬紅等配料。蕃茄湯唔濃味，反而清清地，感覺似用鮮蕃茄多過茄膏整出來。真實當然唔知啦但個人比較喜歡呢種鮮味，比較真實。雞絲撈檬 $45食越南野我一定會食撈檬，本身冇打算會有啲咩特別驚喜，但呢個撈檬好足料，啲雞件件都好滑，唔易做到。佢本身已經加左汁比你，一開頭心諗會唔會太多太酸，食落清清地，可以食到蘿蔔絲嘅酸味同配料嘅味道。平時食撈檬，食到最尾多數得返啲粉同酸汁，但呢碗反而料多過粉😂 真係好足料。不過啲粉都係碎碎的，唔易夾。定撈檬都係咁嫁？冇研究，反正就係好滿足！米紙蝦卷兩件 $32 呢個都係相對比較清新嘅小食，特別在於個汁，麻醬花生醬嘅味，我會用佢來撈檬粉tim😂 個卷就唔算太大驚喜，可以留肚食其他越式法包 $40呢個種點，係咁多款食物嘅第一位（我朋友都揀呢個第一！）外層係法包。佢上菜嘅時候因爲食緊檬粉冇即時食，隔左層咬落依然脆口。雖然佢係法包，但唔會硬到要好用力咬開，加上加左少少牛油，令個包更香脆。裡面有肉又有菜，好有層次感，加上肝醬，咸咸地
蟹膏蕃茄湯檬
$45
34 瀏覽
1 讚好
0 留言
蟹膏蕃茄湯檬 $45
大碗、足料！除左蟹膏外，仲有豬紅等配料。蕃茄湯唔濃味，反而清清地，感覺似用鮮蕃茄多過茄膏整出來。真實當然唔知啦但個人比較喜歡呢種鮮味，比較真實。
雞絲撈檬
$45
49 瀏覽
0 讚好
0 留言
雞絲撈檬 $45
食越南野我一定會食撈檬，本身冇打算會有啲咩特別驚喜，但呢個撈檬好足料，啲雞件件都好滑，唔易做到。佢本身已經加左汁比你，一開頭心諗會唔會太多太酸，食落清清地，可以食到蘿蔔絲嘅酸味同配料嘅味道。平時食撈檬，食到最尾多數得返啲粉同酸汁，但呢碗反而料多過粉😂 真係好足料。不過啲粉都係碎碎的，唔易夾。定撈檬都係咁嫁？冇研究，反正就係好滿足！
米紙蝦卷兩件
$32
21 瀏覽
0 讚好
0 留言
米紙蝦卷兩件 $32
呢個都係相對比較清新嘅小食，特別在於個汁，麻醬花生醬嘅味，我會用佢來撈檬粉tim😂 個卷就唔算太大驚喜，可以留肚食其他
越式法包
$40
56 瀏覽
0 讚好
0 留言
越式法包 $40
呢個種點，係咁多款食物嘅第一位（我朋友都揀呢個第一！）
外層係法包。佢上菜嘅時候因爲食緊檬粉冇即時食，隔左層咬落依然脆口。雖然佢係法包，但唔會硬到要好用力咬開，加上加左少少牛油，令個包更香脆。裡面有肉又有菜，好有層次感，加上肝醬，咸咸地，令到成個包唔會太寡，健康又好食！
斑斕綠荳糕
$13
41 瀏覽
0 讚好
0 留言
斑斕綠荳糕 $13
最尾叫左個甜點，本身好喜歡煙韌嘅野食，呢個甜品共有三層，最上層帶出煙韌口感，中間係椰汁西米味，底層就普通糕點口感。食落唔算好甜但好香斑斕味，胃有quota就試下
牛油果沙冰
$28
32 瀏覽
0 讚好
0 留言
牛油果沙冰 $28
呢個係第二位！本身好驚出面飲沙冰，因為怕飲得少少得返啲冰水，但好鍾意牛油果所以order左試下。口感似奶昔，重牛油果味，好厚身，打得好勻所以味道分佈平均，同埋幾抵。
滴漏咖啡
$25
19 瀏覽
3 讚好
0 留言
呢個係第三位推薦嘅！本身喜歡飲咖啡，呢排都盡量飲黑咖啡，因為冇咁肥。呢個越南咖啡本身用煉奶沖，我地就叫左走奶嘅。飲落有啲朱古力味，冇落奶糖但都有種甜味，唔會酸，少少甜得來又有咖啡苦味，真係好特別。本身想問老闆係咩咖啡荳，不過望多兩望見到佢地放哂啲咖啡荳包裝出來，我諗應該係出名嘅。
總結：因為我地三人行，所以叫左好多野食，但如果有時一個人去食的話，法包、牛油果沙冰/漏咖啡，呢三樣已經好滿足，唔會失望。
張貼
