影片
更多
2024-03-11
533 瀏覽
餐廳：盈苑 (觀塘)地址：觀塘駿業街64號南益商業中心1樓如果講到喺觀塘區飲茶🫖，你又會諗起邊間酒樓呢？相信大部份人都會講APM或者鱷魚恤中心，因為夠晒方便嘅同時又有好多酒樓任君選擇，不過可能你會遇到嘅問題就喺好多人、好多人同好多人🙈其實行多幾分鐘路程，喺工業區中海日升中心隔離，就有一間開咗大半年嘅新派粵菜酒樓——盈苑，星期日喺附近返完教會，就去咗呢度飲茶食Lunch，我去嗰日唔需要等位，中午12點幾入座餐廳坐滿咗七至八成客人，對於唔鍾意等位又鍾意飲茶嘅人嚟講絕對喺一個好消息😎茶芥每位$12，另外收加一服務費，去酒樓嘅好處就喺可以慢慢食慢慢傾，仲有無限熱茶滾水比你飲，就算有時興起傾得大聲過頭都唔怕嘈親隔籬，因為本身酒樓就喺一個適合一大班人傾偈💬，吵吵鬧鬧坐埋一齊食嘢相聚嘅好地方星期日午市過嚟，除咗有各款點心之外，仲有多款特色飯麵、燒味滷水、抵食套餐比你叫，款式應有盡有，當然唔少得一系列創意點心🥧，例如紫薯流心球、芝士鮮蝦腐皮卷、紅菜頭帶子餃、香煎芋絲爽等等✝️商務三寶 $218呢個商務三寶套餐包括一款小食、一款粉麵同三款點心，份量足以夠兩個人食有多，絕對喺飽肚抵食之選👍。分別叫咗個海蜇拼
地址：觀塘駿業街64號南益商業中心1樓
如果講到喺觀塘區飲茶🫖，你又會諗起邊間酒樓呢？相信大部份人都會講APM或者鱷魚恤中心，因為夠晒方便嘅同時又有好多酒樓任君選擇，不過可能你會遇到嘅問題就喺好多人、好多人同好多人🙈
其實行多幾分鐘路程，喺工業區中海日升中心隔離，就有一間開咗大半年嘅新派粵菜酒樓——盈苑，星期日喺附近返完教會，就去咗呢度飲茶食Lunch，我去嗰日唔需要等位，中午12點幾入座餐廳坐滿咗七至八成客人，對於唔鍾意等位又鍾意飲茶嘅人嚟講絕對喺一個好消息😎
茶芥每位$12，另外收加一服務費，去酒樓嘅好處就喺可以慢慢食慢慢傾，仲有無限熱茶滾水比你飲，就算有時興起傾得大聲過頭都唔怕嘈親隔籬，因為本身酒樓就喺一個適合一大班人傾偈💬，吵吵鬧鬧坐埋一齊食嘢相聚嘅好地方
星期日午市過嚟，除咗有各款點心之外，仲有多款特色飯麵、燒味滷水、抵食套餐比你叫，款式應有盡有，當然唔少得一系列創意點心🥧，例如紫薯流心球、芝士鮮蝦腐皮卷、紅菜頭帶子餃、香煎芋絲爽等等
✝️商務三寶 $218
呢個商務三寶套餐包括
一款小食、一款粉麵同三款點心，份量足以夠兩個人食有多，絕對喺飽肚抵食之選👍。
分別叫咗個海蜇拼燻蹄、
雪菜火鴨絲窩米線、鮮肉小籠包、
灼田園時蔬同香茜牛肉腸，
呢個米線絕對夠3-4個人share嚟食，仲要好足料，有大量火鴨絲、雪菜同芽菜等配料；小籠包雖然我覺得皮有少少厚🤏，不過變相就無咁容易夾爛，
同埋咬開有大量肉汁💦，鮮甜肉嫩；
牛肉腸爽滑有咬口，
香茜同牛肉嘅配搭無得輸，不過如果再多啲餡就好😝
✝️晶瑩鮮蝦餃(精點) $40.8
蝦餃基本上喺每次飲茶都必叫嘅點心，看似好簡單同基本，但喺要做到皮薄軟而唔靭，
輕輕黏口得嚟又唔黐嘴有彈性，都真喺幾講求師傅嘅功夫同手勢，加上可以做到晶凝通透、蝦肉爽口而帶有少少汁🤏，入口熱辣辣都真喺一流😋
張貼
