拉麵台風

營業中

休息中

每次路過呢間野都有人排隊，有時仲好長龍。好彩只排左15分鐘就入倒去。排緊果時有人拎水出黎比排隊既人，唔錯，幾貼心。我有個backpack，店員就比左個掛台既勾比我吊住個袋，幾好。第一次試呢間野，所以我會選所有野都係普通先。叫左個伊台風，88蚊，其實即係茄底。個麵黎到既第一個感覺係比平時果d大碗。賣相唔錯，唔駛加錢有半隻溫泉蛋，睇落幾正，不過黎果時唔見d麵以為好少，食落先知唔係。正題，個麵黎到唔出煙既，冇錯，個湯係暖既，唔夠熱，不過一拉個麵出黎就有煙，個麵好夠熱。叉燒好唸，脂肪比例ok，唔算肥，有菜有荀有魚鬆有紫菜有蛋，好齊全。個麵都算多，比一般日式拉麵店既多。我叫左普通，個麵偏硬身，但可以接受，有咬口。個湯唔夠熱外，濃既，唔算稀，個味都好夠茄味，不過由於本身成碗野都濃同好多配料，個茄味唔算好出，要特登去飲先試倒個味。呢個價錢食倒咁多料既日式拉麵，抵食既。可以話似日本食倒既拉麵，唔錯，值得再食。