影片
更多
2022-05-25
866 瀏覽
.📍台風📍#饅頭去荃灣 #饅頭食日本菜呢間拉麵店舖仔細細，但人氣頗高，每次小編經過嘅時候都見到勁多人排隊，某日平日晏晝見人流冇咁多，一於走去試下。------------------------------1️⃣ 沾麵 ($83)其實小編原本唔係想食呢個，但我見店家講話自己嘅沾麵質係每日限量30份，心諗咁把炮就比我見識下佢有幾好食。Em...🥴老實講有啲失望，首先佢哋嘅湯底鰹魚味同豚骨香🐷係幾出嘅，唔會過鹹過油，但就唔會話飲到好多層次；呢度嘅麵雖然冇話食得出好香嘅麥味，但麵條溫度符合沾麵嗰種冷麵嘅效果，保留到彈牙有咬勁嘅麵質🙈，加上麵條掛湯能力同湯底濃稠度嘅平衡都做得唔錯，每一啖都唔會好淡味。好可惜佢哋嘅湯唔夠熱，膠碗嘅保溫能力亦一般，加上啲麵本身又係凍嘅，以至於食到後面感覺似食緊冷麵🥶，呢一點真係扣好多分。配料就有叉燒、荀、京蔥、半隻溏心蛋同紫菜。雖然係瘦叉燒，肉質自然唔係柔軟入口即溶嗰款，但由於係低溫慢煮嘅關係，所以食落都唔算乾嚡，肉味頗濃郁，不過感覺就唔係好新鮮，但小編更加鍾意旁邊嘅肉碎，肉質會更加軟腍唔黐牙；溏心蛋嘅生熟程度亦把握得恰到好處，不過就冇乜味道。整體好壞參半，不過食物份
📍台風📍#饅頭去荃灣 #饅頭食日本菜
呢間拉麵店舖仔細細，但人氣頗高，每次小編經過嘅時候都見到勁多人排隊，某日平日晏晝見人流冇咁多，一於走去試下。
------------------------------
1️⃣ 沾麵 ($83)
其實小編原本唔係想食呢個，但我見店家講話自己嘅沾麵質係每日限量30份，心諗咁把炮就比我見識下佢有幾好食。
沾麵
$83
46 瀏覽
0 讚好
0 留言
Em...🥴老實講有啲失望，首先佢哋嘅湯底鰹魚味同豚骨香🐷係幾出嘅，唔會過鹹過油，但就唔會話飲到好多層次；呢度嘅麵雖然冇話食得出好香嘅麥味，但麵條溫度符合沾麵嗰種冷麵嘅效果，保留到彈牙有咬勁嘅麵質🙈，加上麵條掛湯能力同湯底濃稠度嘅平衡都做得唔錯，每一啖都唔會好淡味。好可惜佢哋嘅湯唔夠熱，膠碗嘅保溫能力亦一般，加上啲麵本身又係凍嘅，以至於食到後面感覺似食緊冷麵🥶，呢一點真係扣好多分。
配料就有叉燒、荀、京蔥、半隻溏心蛋同紫菜。雖然係瘦叉燒，肉質自然唔係柔軟入口即溶嗰款，但由於係低溫慢煮嘅關係，所以食落都唔算乾嚡，肉味頗濃郁，不過感覺就唔係好新鮮，但小編更加鍾意旁邊嘅肉碎，肉質會更加軟腍唔黐牙；溏心蛋嘅生熟程度亦把握得恰到好處，不過就冇乜味道。整體好壞參半，不過食物份量好多，以呢個價錢嚟講，我唔會有太多怨言，但應該唔會再特登排隊去食，建議想試嘅朋友仔都唔好抱太大期望。
------------------------------
🔸整體評分：6.9/10
🔸小編回頭率：6/10
張貼
