影片
更多
2017-10-05
231 瀏覽
星期五迎月日下晝，諗住帶個仔入屯門市廣場個TOMICA展同埋食TOMICA期間限定餐廳，但位又少太多人等，放棄，結果去咗隔離商場個定食8，見前面有兩張枱等緊，望入餐廳有幾枱人已經差唔多食完，仲有兩張已埋單不過未執枱既，諗住唔駛點等就食啦，紿終帶住細路唔想等太耐。唔等由至可，等到把幾火，等唔係問題，但我數過，細細間鋪，兩個侍應一個帶位，帶位喺無嘢做既時候完全無去執過枱比等候既客人可以入座。呢個算，可能佢地職責唔同（但之後又畀我見到佢有去執枱？咁之前有客等緊又有客埋咗單你唔去執枱？），啲侍應行行企企，傳完菜出嚟，兩手FING FING入返廚房架喎？做咩唔拎返啲碗碟入廚房抹枱交枱俾等緊既客？？？而家玩緊MUSIC CHAIR？音樂停咗就唔掂得嘢？？好不容易，由3:40分（我等咗五分鐘後有朋友打嚟，所以有晒時間紀録），等到4:05分入座（一入座即喺FACEBOOK打咭），如果你FULL HOUSE、炒檔既話，我唔會嘈，但所有員工懶懶閒閒，有吉枱又唔去執枱交枱，係咩玩法？到我真係等到燥底，見到仲有一張埋咗單枱但未執（正確嚟講係執走咗一SET餐具，仲有三SET喺度），又冇其他客入，個帶位超得閒，忍
唔等由至可，等到把幾火，等唔係問題，但我數過，細細間鋪，兩個侍應一個帶位，帶位喺無嘢做既時候完全無去執過枱比等候既客人可以入座。呢個算，可能佢地職責唔同（但之後又畀我見到佢有去執枱？咁之前有客等緊又有客埋咗單你唔去執枱？），啲侍應行行企企，傳完菜出嚟，兩手FING FING入返廚房架喎？做咩唔拎返啲碗碟入廚房抹枱交枱俾等緊既客？？？而家玩緊MUSIC CHAIR？音樂停咗就唔掂得嘢？？
好不容易，由3:40分（我等咗五分鐘後有朋友打嚟，所以有晒時間紀録），等到4:05分入座（一入座即喺FACEBOOK打咭），如果你FULL HOUSE、炒檔既話，我唔會嘈，但所有員工懶懶閒閒，有吉枱又唔去執枱交枱，係咩玩法？到我真係等到燥底，見到仲有一張埋咗單枱但未執（正確嚟講係執走咗一SET餐具，仲有三SET喺度），又冇其他客入，個帶位超得閒，忍唔住同個帶位講：你哋幾時執嗰張枱俾我？佢先死死地氣去執，但係動作係嘆慢板（佢絕對唔係新手，職級係「主任」嚟架），一手一盤，拎完慢慢行去廚房方向，再慢慢行返出嚟拎埋掙低嗰一盤返去，抹枱，先叫我地入去坐。
我地哎咗豪華海景丼、黃金魚配炸蝦烏冬、兒童餐各一，亦都單點咗酥炸生蠔同埋綜合刺身各一份。嘢食就算啦，幾十蚊個定食，仲要有魚生，都唔荒會係高質嘢，食下食下覺得：點解咁似爭鮮啲質素既？後來忍唔住上GOOGLE查，原來真係爭鮮，唔怪得之做呢個價啦，啲飯你就唔好諗係日本米啦，不過連東北/台灣珍珠米都唔係，用啲長長瘦瘦既米，我都唔識講佢係邊度米。
佢另外有個SELF SERVICE AREA既，有白飯、面豉湯、醬汁、麥茶俾你自己去加，但我攞咗位即刻去，係有白飯、湯同麥茶，但杯只有三隻（我一枱三人，攞晒三隻杯之後後面既客人完全無杯用 ），之後想筆湯、飯嚟食下，根本無碗擺喺度，問侍應，佢用濃厚鄉音回我（不耐煩地）：等等啦！結果當然係食完餐飯都冇見過嗰兩隻碗！
我無去過第二啲分店試，但只係睇呢間分店員工既表現，公司請着佢哋真心倒米，有枱唔去執唔叫客入，拖慢晒成個做生意CYCLE，本身可以做多兩至三轉客，但佢地真係愛理不理，或者係做又三十六唔做又三十六既心態啩。本身好想投訴到去佢地總部，但係朋友話：一間公司可以容許佢地員工咁既表現，佢地既OFFICE都必然係咁上下，就放棄咗啦咁既服務，仲收10%服務費，我都唔知有咩好講。
真心無下次。
豪華海景丼
$58
25 瀏覽
0 讚好
0 留言
張貼
