影片
更多
2024-04-07
445 瀏覽
叫咗佢個幸福二人餐，真係唔知幸福係邊個位 😵💫 加錢叫咗個刺身五點同野菜烏冬，普通到唔普通，魚生合格，個烏冬嘅野菜就係一條咁大把，加舊冬菇。。taco 就凍冰冰，我知taco本身都唔係熱，但塊紫菜似炸咗好耐疏哂氣加陣油益味。最奇怪係上菜次序亂七八糟，上完個熱食烏冬先調返轉俾個前菜嘅蟹籽沙律 😥 個 tiramisu 要催咗兩次，呢啲甜品唔係整定嘅咩？？上菜速度極慢，話食九十分鐘，如果你哋上得切我哋45分鐘內一定食晒，個偏偏食咗我一個鐘頭十五分鐘😵💫 唔怪之得係 peak hour 仲有位，最後一定要提一提嗰兩個 manager，態度無乜特別，係衰無記性，嗌咗埋單兩次都要左等右等。其實我都願意留港消費，但可唔可以俾返少少誠意同性價比人。。
張貼